BÈRDÈ

HOME  |  BIBA NA WECHI  |  BÈRDÈ

BÈRDÈ

Bèrdè kiermen na promé lugá ku den e bario tin hopi palu i mata. E áreanan di paseo i rekogida di awa lo ta e áreanan bèrdè públiko mas importante, naturalmente  pasó den e áreanan aki tin sufisiente awa. 

Ku e terminología 'Bèrdè' nos kier men tambe durabelidat, lokual kier men ku algu ta keda kumpli ku e eksigenshanan nesesario. Ku e ekspreshon 'un bario bèrdè' nos kiermen pues ku lo ta un bario ku aki hopi aña ainda lo keda konsiderá komo un kaminda di biba bon i agradabel.

Durabelidat kier men tambe ku ta pensa den materialnan duradero, konstruí konsiente ku energia i klima, anto hasi uso di e sirkunstansianan natural.

Durabelidat no ta logra solamente ku uso di material adekuá, pero voral tambe door di un bon balansa den bario. Integralidat ta na promá luga pa yega na  un bario duradero. Integralidat kier men ku diferente gruponan di nos komunidat por biba huntu na un manera atraktivo i trankilo. Esei ta logra dor di ofresé un kantidat grandi di tipo di kas ku ta varia den arkitektura i preisnan di kas i ta kuadra ku e nesesidatnan di e habitantenan nobo (i eksistente).

Segun FKP su filosofia un bario mester duna espasio pa un komunidat establesé su mes i no e individuo so o un famia su so. E integralidat di e komunidat ta pone ku e bario lo tin un karakter integral tambe. Integral kiermen tambe ku tin espasio pa rekreá i traha, mirando ku esakinan ta pertenesé na e konsepto 'biba'.

Un otro aspekto di durabelidat ta e koherensia espasial tantu den e bario mes komo entre Wechi ku e barionan ku ta rondon'e. E habitante i e bishitante mester por orientá nan mes den e bario i mester por identifiká nan mes ku nan bisendario asina ku nan tin un propio identidat i orguyo pa nan pida kaya o pida bario.

Komparti

Top