MODELONAN ZONA B

E área aki ta forma un sinta largu di kas di mas o ménos 450 meter situá kantu di Kaminda pa Wespen, ku alabes ta un protekshon kontra e zonido di tráfiko pa e bario patras di e kasnan aki. Aki ta bai traha kasnan pa hür kaminda tin posibilidat pa integrá ofisina òf espasio komersial den e bibienda o tambe pa tin ofisina o espasio komersial separá di e kas. Tin diferente posibilidat, kaminda e grandura i plan di kas ta varia.

Na banda sur di e sinta di kas aki tin un sinta igual pero ku arkitektura diferente di bibiendanan di kompra dos-bou-di-un-dak. Meskos ku e bibiendanan kantu di kaminda pa Wespen, e bibiendanan aki ta konektá ku otro via di nan "carport".

E sinta ta interumpí na dos kaminda dor di un paseo di peaton ku ta hasi e Kaminda pa Wespen i e parada di bùs bon aksesibel pa e bario patras di e kasnan.

E aksesibilidat ta ekselente paso e ta pegá ku ruta di konvoi i ku varios krusada pa peaton.