Zona E

HOME  |  BIBA NA WECHI  |  OVERVIEW ZONANAN  |  Zona E

Zona E

ZONA E

Zona E ta karakterisá pa un diversidat di modelonan nobo di kas ‘dos bou di un dak’, i distribuí entre nan tambe algun kas pará riba nan mes, kada un ku su propio karakter individual. E promé etapa di e zona aki ta abarká varios tipo di kas den diferente kategoria di prèis. E promé 9 kasnan lo ta kla próksimamente i konstrukshon di e sobrá kasnan lo kuminsá pronto.

Den Zona E lo tin un total di 52 kas di famia. Por skohe entre kuater tipo di kas ku ta varia di un tamaño di 75m2 te ku 103m2, i ku diferente kantidat di kamber. Tur e kasnan den Zona E ta dos bou di un dak, i situá di tal forma ku ta garantisá privasidat óptimo di e habitantenan.

Ta traha e kasnan kaya pa kaya. Kada ken ta kumpra su kas riba papel promé. Asina ku den e siguiente kaya a bende sufisiente kas, ta kuminsá ku konstrukshon di kas den e kaya ei. Konstrukshon lo dura mas o menos 6 luna.

Ta entregá tur kas ku kashi di kushina, mosaiko riba flur, baño ku sanitario i bentana. Ademas tur kas ta haña panel solar riba dak. Kamera pa vigilá bo kas 24/7 ta opshonal. Prèisnan ta varia di 175.000 te ku 250.000 florin ku gastu pa kumpradó. E terenonan ta èrfpagt i ta varia di 208m2 te ku 470m2.

Komparti

Top