Pa motibu di desaroyo ekonómiko mundial aktualmente (inflashon na gran parti di mundu, guera na Ukraïna, efektonan despues di e pandemia di COVID, krisis di energia), e preisnan di hopi produkto a subi mundialmente. E preisnan di materialnan di konstrukshon tambe a subi konsiderablemente i e espektativanan ta ku e fin no ta na bista ainda. E desaroyadó di proyekto Wechi Management Company ta sigui e desaroyonan akí di aserka i kaminda ta nesesario, probablemente lo mester ahustá e preisnan di benta den futuro.

Pa e motibu akí e preisnan di benta di e kasnan na Wechi semper ta “bou di kondishon di desaroyo mundial di preis pa material di konstrukshon”. Tur preis di benta ku nos ta komuniká riba nos wèpsait i riba nos medionan sosial, pa e motibu akí ta preisnan indikativo. Nos ta anunsiá e preis di benta definitivo manera e konstrukshon di e siguiente 43 kasnan nobo den Zona E wòrdu kontratá. Kumpradónan interesá ta risibí primeramente e opshon pa eskoho di un tereno i un modelo di kas. Manera e preis di konstrukshon definitivo ta konosí, e kòntrakt di kompra por wòrdu firmá. Pa mas informashon: http://www.wechi.info