ZONA A
Zona A ta situá na kabes di Wechi. Aki tin apartamentu ku un arkitektura distinto i un karakter úniko ku ta marka e skina aki di Wechi, i ku lo ta e promé den bista biniendo for di direkshon di Banda’bou. A skohe pa un struktura di tres edifisio di apartamentu separá ku ta situá den un orientashon sirkular banda di otro. Asina hende no por wak direktamente den otro su kas. E edifisionan tin kuater piso. Riba e piso mas haltu tin penthouse ku bista riba Grote Berg i henter e área di Wechi.
Kada edefisio ta liber den un ambiente bèrdè. E edefisionan ta orientá di tal forma ku kada un ta disfrutá di bon ventilashon natural di e bientu di pariba. Nan ta birá di tal manera banda di otro ku kada un ta haña bientu di un otro ángulo. Mèi mèi di e edefisionan tin un kurá privá ku posibilidatnan di rekreo pa e habitantenan.
​
Tin lugá di parker riba e terenonan privá di e diferente edifisionan. E ta riba un nivel mas abou ku e bibiendanan, dunando e doñonan un bon bista riba nan outo. E bibiendanan tin bon bista riba e kurá privá i tambe riba e área di peaton i baiskel ku pasa banda di e zona.
​
Esaki ta Zona A, bèrdè, bibabel i sigur!
