top of page

NOS VISHON

Biba na Kòrsou, den e bario di futuro!
Wechi ta bèrdè, bibabel i sigur!
wechi-123.jpg

BÈRDÈ

BERDE

Bèrdè kiermen na promé lugá ku den e bario tin hopi palu i mata. E áreanan di paseo i rekogida di awa lo ta e áreanan bèrdè públiko mas importante, naturalmente  pasó den e áreanan aki tin sufisiente awa. 

Ku e terminología 'Bèrdè' nos kier men tambe durabilidat, lokual kier men ku algu ta keda kumpli ku e eksigenshanan nesesario. Ku e ekspreshon 'un bario bèrdè' nos kiermen pues ku lo ta un bario ku aki hopi aña ainda lo keda konsiderá komo un kaminda di biba bon i agradabel. Durabilidat kier men tambe ku ta pensa den materialnan duradero, konstruí konsiente ku energia i klima, anto hasi uso di e sirkunstansianan natural.

Durabilidat no ta logra solamente ku uso di material adekuá, pero voral tambe door di un bon balansa den bario. Integralidat ta na promá luga pa yega na  un bario duradero. Integralidat kier men ku diferente gruponan di nos komunidat por biba huntu na un manera atraktivo i trankilo. Esei ta logra dor di ofresé un kantidat grandi di tipo di kas ku ta varia den arkitektura i preisnan di kas i ta kuadra ku e nesesidatnan di e habitantenan nobo (i eksistente).

bibabel-2560.jpg

BIBABEL

BIBABEL

Un bario nobo ta mas ku pone piedra riba otro. E espasio físiko so no ta garantia pa un bon ambiente di biba. E ta duna e posibilidatnan espasial i mester tin un kalidat propio ku ta invitá pa e uso intenshoná. Al final ta importante pa e habitantenan ta sinti nan mes na kas i por biba dushi.

E habitante di Wechi mester por move fasilmente den su bario, na pia, ku baiskel, skateboard, skate òf otro forma di tráfiko slow. E espasio públiko ta agradabel, ku hopi sombra, lugá di rekreo, posibilidatnan di deporte na abundansia pa tur edat i tambe e posibilidat pa por traha den bo mes bario. Den un siguiente fase di e proyekto, además lo desaroyá tur fasilidatnan pa un bario di e dimenshonnan aki, manera skol, supermerkado, ets.

wechi-veilig-2560_0.jpg

SIGUR

SIGUR

Un bario kaminda nos grandinan por disfrutá trankil i nos muchanan por krese den un ambiente sigur i sin prekupashon. Tin hopi atenshon pa siguridat den e area públiko dor di e diseño di espasio i hopi bista riba otro. Por pensa riba por ehèmpel un ‘opvang’ pa mucha,, áreanan pa topa otro i kareteranan pa baiskel i peaton kaminda outo no por yega!

E yabi pa siguridat ta un kombinashon balansá entre regla i komportashon.

gebied-c-render-3d-2_0 (4).jpg
bottom of page