BIBA NA WECHI
Deskubrí Wechi
Biba na Kòrsou, den e bario di futuro! Kaminda den konstrukshon i desaroyo ta tene kuenta ku durabilidat, medio ambiente i konsumo efisiente di energia. Kaminda ta ofresé un gran diversidat di tipo di bibienda, ku diseñonan kontemporaneo di diferente arkitekto. Kaminda a pone hopi atenshon na bon diseño urbano i infrastruktura. Kaminda plechinan ku hopi sombra, i kayanan ku kaminda pa baiskel i espasio pa hende na pia, ta konektá e diferente partinan di bario. I kaminda tin espasio amplio pa deporte, rekreashon i naturalesa. Kaminda siguridat di e habitantenan ta di suma importansia i kaminda mucha por hunga libremente riba plenchi i den parke infantil. Kaminda naturalesa eksistente ta integrá den e bario na un manera responsabel. Kaminda hende di tur edat por biba, traha, hunga i topa otro. Kaminda mucha por lanta den un ambiente sigur, protehá i den un medio ambiente salú bou di e dushi solo di Kòrsou. Esei ta Wechi, bèrdè, bibabel i sigur!
Ubikashon
Wechi ta situá masha sentral riba Kòrsou ku hopi fasilidat den serkanía. Wechi ta keda serka di aeropuerto, universidat i tambe diferente sentro komersial. Esei ta hasi Wechi su ubikashon unu ideal i úniko riba nos isla.
​
Rotònde di Zegu ta konektá algun kaminda prinsipal ku otro.
For di e bario di Wechi tin un entrada direkto pa e rotònde aki i pues akseso direkto i lihé pa:
​
-
aeropuerto di Hato, Curaçao International Airport (5 minüt)
-
Hospital Nobo Otrabanda (10 minüt)
-
varios supermerkado grandi (Jan Noordduinweg i Piscadera (promedio di 5 minüt)
-
e mall di Sambil ku pakus ku markanan renombrá, restorant, bar i un sine (5 minüt)
-
Punda, Otrobranda, Terminal di Krusero, Riffort i Renaissance Mall
-
(15 minüt)
-
varios hotèl, entre otro: Hilton, Marriott i Floris Suites (10 minüt)
-
University of Curaçao (5 minüt)
-
varios playa, manera Blue Bay, Porto Marie, i Cas Abou ta na aproksimadamente 20 minüt; Wespén ta keda na un distansha di 30 minüt
-
pòmp di gasolín (5 minüt)
Infrastruktura
Un infrastruktura sólido ta un di e puntonan di enfoke di e proyekto aki. No solamente ta tene kuenta ku e konekshon ku tin ku areanan pafó di Wechi pero tambe ku konekshonan ideal entre e areanan den e bario mes.
