PREGUNTA KOMUN

Bo A Puntra, Nos A Kontestá

Kon mi ta regla finansiamentu pa un kas na Wechi?

Por regla un fiansa pa kompra di un kas na Wechi via un hipotek na un banko òf instituto finansiero na Kòrsou. Na mayoria banko por hasi un aplikashon “online” pa e hipotek deseá. Mester entregá diferente dokumento manera:

- Un kontrato di trabou pa tempu indefiní

- 3 slep di salario resiente

- 3 kopia di kuenta di banko resiente

- Un resúmen di otro fiansa posiblemente andando

- Kopia di identifikashon bálido (pasport o sedula)

- Informashon di bo pareha pa hipotek huntu

Kon mi ta bin na remarke pa un kas na Wechi?

E promé 52 kasnan na Wechi ta kasnan pa bende den Zona E. Tin 4 diferente modelo di kas ku un preis di benta ku ta varia entre ANG 180.000 te ANG 275.000. Tur persona ku por haña sufisiente finansiamentu pa medio di un hipotek o sèn propio, por kumpra un kas na Wechi. Wechi Management Company BV no ta duna hipotek ni otro servisio finansiero. Wechi Management Company ta kompletamente independiente di institutonan finansiero.

Mi por hür un kas na Wechi?

No, na e momentunan akí no tin kas pa hür na Wechi. Den futuro si esaki lo ta e kaso. Laga bo email adrès atras p’asina djòin nos ‘newsletter’ i keda na altura di tur informashon i desaroyo rondó di Wechi.