ZONA E
Zona E ta situá sentral den Fase 1 i ta aksesibel fásilmente for di e kamindanan prinsipal. E area aki ta subi te na e nivel mas haltu di e bario i p’esei hopi di e kasnan den e zona aki tin un bista masha bunita. Den e zona mes i rònt di dje tin kayanan trankil, i tambe rutanan rekreativo pa kana i kore baiskel. Tur e bibiendanan tin dos lugá di parker riba e tereno propio. Ademas tin amplio lugá di parker kantu di kaminda.
BARIO URBANO BÈRDÈ
E area di Wechi ta situá sentral riba nos isla. Serka di aeropuerto i ku un konekshon direkto pa Kaminda di Wespen. Den algun minüt bo ta kore di Wechi pa Otrobanda i Punda, òf pa Santa Maria i Saliña. Durante e 10 añanan binidero lo desaroyá Wechi den e bario urbano di futuro. Puntonan di salida pa e plannan ta: biba “bèrdè, abitabel i sigur”; tur e bibiendanan ta bin stándart ku panelnan solar; ta resiklá awa di kas pa duna mata awa den e areanan bèrdè, i tin atenshon speshal pa konekshon sosial den e bario. Ademas tin espasio pa aktividat komersial, traha na kas, tienda i un skol. Al fin, Wechi lo brinda un ambiente kómodo, bèrdè, sigur í pagabel na aproksimadamente 10.000 hende. Bo ke sa mas? Ku plaser nos ta hasi un sita ku bo: mail nos na info@wechi.info
KUMPRA RIBA PAPEL
Mayoria di e kasnan di benta na Wechi ta konstruí na momentu ku tin sufisiente kumpradó pa kada kaya. Ke men bo ta kumpra ‘riba papel’. Ta antisipá ku konstrukshon di kada kas nobo lo tuma mas o menos 6 luna. Nos lo informá bo ekstensamente tokante e diferente etapanan i planiashon di e konstrukshon. Durante e konstrukshon nos lo tene bo na altura di e progreso. Nos Tim di Benta t’ei pa guia bo den bo eskoho di un bibienda adekuá i tambe por sostené bo ku bo petishon di hipotek. Bo por hasi un sita libremente i sin kompromiso via telefòn 724 31 31 / 724 31 32.
MODELONAN DEN ZONA E
